Зөлфәт cайты

Чытырманда былбыл сайрый...

Чытырманда былбыл сайрый...

Минем язганнарны азмы-күпме белүчеләр хәтерлидер, бәлки: «татар», «милләт», «азатлык» дигән сүзләрне мәйданнарга чыгып кычкыру түгел, үзаралый гына сөйләшкәндә дә әйтергә ярамаган көннәрдә мин «Чакырылмаган кунак — татардан да яманрак...» дигән эпиграф куеп, бер шигырь язган идем.

укыйбыз

БИБЛИОГРАФИЯ

БИБЛИОГРАФИЯ

Язмышлар ярында: Шигырьләр./X. Туфан кереш сүзе.— Казан: Таткит-нәшр., 1971.—78 б. 3000. Рец.: Шәфигуллин Ф. —Соц. Татарстан, 1971, 2 май.
Утлы бозлар: Шигырьләр.— Казан: Таткитнәшр., 1978.— 112 б. 4000. Рец: Гайнетдинов М. Кеше җаны турында.— Идел. Яшьләрнең әдәби альманахы, 1980, № 12, 91—96 б.; Янов X. Шифалы яңгыр сыман.—Казан утлары, 1978, № 9, 115—117 б.

Аның турында

Зөлфәт «Йөрәк тибеше сыман».— Татарстан яшьләре. 1983, 19 март. Шагыйрь белән әңгәмәне Г. Моратов алып барды. Гатауллйн Р. Хәрәкәттә — бәрәкәт.— Татарстан яшьләре, 1975.. 27 май. Зөлкарнәев Ф. Шагыйрьнең йөрәк көче.— Татарстан яшьләре. 1980, 9 февр. Хәмидуллин Р. Әкияткә сәяхәт. [Л. Хәйретдинованың «Мәкерле песи» операсы. Либретто авт.: Зөлфәт].— Ялкын, 1974, № 6, 16—17 б. А к м а л о в Н. «Әкиятне саклап калырга!» — Татарстан яшьләре, 1983, 11 авг. «Йөрәкләрдә — үлмәс дастан» поэмасы турында.

Әдипләр.Narod.ru

Төш

Күктән ак кар ишелә-
Тукай керде төшемә... 
Мең сагыш — күзләрендә. 
Кар сарган йөзләрендә 
Җир кайгысы чишелә — 
Күктән ак кар ишелә.
Тукай керде төшемә — 
Туңган, һаман өшенә. — 
Габдулла!—димен,—яле.
Җылынып алыйк әле! 
...Тик һәркем үз эшендә... 
Тукай керде төшемә.
Мең сагыш күзләрендә... 
Үзәкне өзә-өзә 
Төштә булса да кинәт 
Тукай эндәшкәч, димәк, 
Кирәктер, бәлки, мин дә! -
Мең сагыш күзләрендә...
Кар сарган йөзләренә 
Чорлар сагышы сеңгән! 
Насыйп булган елларда 
Күмелик зур моңнарга! 
Мең сагыш күзләрендә-
Кар сарган йөзләренә.
Җир кайгысы чишелә — 
Булса да бу төш кенә — 
Бөтен изге дөньяга 
Канланып кар яуганда... 
Тәңрем, көч бир кешеңә — 
Җир кайгысы чишелә!
Күктән ак кар ишелә — 
Тукай керде төшемә 
Сагышның үзе сыман... 
Оча-куна талпына 
Аклык иңә кешегә, 
Күктән ак кар ишелә...
Тукай керде төшемә...

Сайт управляется системой uCoz