шагыйрьнең иҗаты һәм томыш юлы

БИБЛИОГРАФИЯ

БИБЛИОГРАФИЯ

Язмышлар ярында: Шигырьләр./X. Туфан кереш сүзе.— Казан: Таткит-нәшр., 1971.—78 б. 3000. Рец.: Шәфигуллин Ф. —Соц. Татарстан, 1971, 2 май.
Утлы бозлар: Шигырьләр.— Казан: Таткитнәшр., 1978.— 112 б. 4000. Рец: Гайнетдинов М. Кеше җаны турында.— Идел. Яшьләрнең әдәби альманахы, 1980, № 12, 91—96 б.; Янов X. Шифалы яңгыр сыман.—Казан утлары, 1978, № 9, 115—117 б.

Аның турында

Айдар Хәлим. "Тамыр көлләре"

Зөлфәт «Йөрәк тибеше сыман».— Татарстан яшьләре. 1983, 19 март. Шагыйрь белән әңгәмәне Г. Моратов алып барды. Гатауллйн Р. Хәрәкәттә — бәрәкәт.— Татарстан яшьләре, 1975.. 27 май. Зөлкарнәев Ф. Шагыйрьнең йөрәк көче.— Татарстан яшьләре. 1980, 9 февр. Хәмидуллин Р. Әкияткә сәяхәт. [Л. Хәйретдинованың «Мәкерле песи» операсы. Либретто авт.: Зөлфәт].— Ялкын, 1974, № 6, 16—17 б. А к м а л о в Н. «Әкиятне саклап калырга!» — Татарстан яшьләре, 1983, 11 авг. «Йөрәкләрдә — үлмәс дастан» поэмасы турында.

Әдипләр.Narod.ru

КАНАТ ҖИЛЕ

Күтәрелде кошлар иле белән...
Наис Гамбәр.

Безне? бәхет бары Мөслимдәдер... 
Кайтыйк әле, Наис, Мөслимгә 
		бер — 
Өшәнгән бу бәгырь җылынсын... 
Барыйк әле иртүк Ык ярына, 
Тездән чумып салкын чыкларына, 
Авыз итик каен сулышын!

Сукмакларга үлән үскәндер бит, 
Тик учаклар әле исәндер бит — 
Сагынгандыр безне сукмаклар... 
Үзебезчә тик бер сөйләш кенә, 
Чылтыр чишмәләргә эндәш кенә — 
Телләреңә былбыл кунаклар!

Тынып ыгы-зыгы, алкышлардан, 
Колак салыйк әле шул кошларга — 
Моң тәменә алар өйрәтте... 
Күтәрелсен кошлар иле белән — 
Шул кошларның канат җиле белән 
«Үф»ләп дәвалыйк бер йөрәкне.

Кайтыйк әле, Наис, Мөслимгә бер! 
«Кыз сукмагы» синең исеңдәдер — 
Безнең ярлар асыл яр иде! 
Асылъярлар һаман шунда сыман... 
Тәрәзәдән — гөлләр арасыннан 
Караттырган чаклар бар иде!

Шул сукмактан тик бер үтик әле, 
Таныш тәрәзләрне чиртик әле... 
Ай калыккач, зәңгәр эңгердә — 
Зарыккандыр сөйгән ярлар көтеп! 
...Тибрәнмәс шул инде пәрдә чите — 
Кабатланмый сөю бу җирдә...

Ә шулай да кайтыйк Мөслимгә бер! 
Моң чишмәсе бары Мөслимдәдер — 
Кипкән иреннәргә моң тисен! 
Күтәрелсен кошлар иле белән —
Шул кошларның канат җиле белән 
Җиллиселәр килә, җиллисе!

Әйдә, киен! Калсын бу мәгыйшәт! 
Гомер уздырабыз монда нишләп?! — 
Тормыйк, табында, дип, аш кала... 
Кайтыйк әле газиз Мөслимгә бер — 
Беркая да качмас мескен дәвер, 
Дәвам итәр бездән башка да...
       1993

current links

Сылтамалар

• Шигырьләр
• Зөлфәт клубы
• Әдипләр.Narod.ru
• Электрон китапханә
• Казан утлары
  
• Таткнигафонд
• Tatar-Inforn
• Ватаным Татарстан
• Татарстан яшьләре
• Matbugat.ru